رواية اجمل قصة حب
رواية اجمل قصة حب
رد عليه بسرعه
رفع عمر الهاتف وقام بالرد
عمر الو
والد هنا ازيك يابشمهندس عامل ايه وهنا عامله ايه
عمر الحمدلله بخير حضرتك عامل ايه معلش انا عارف ان مقصر معاك انا وهنا بس حضرتك عارف الظروف الا كنا فيها وتعب والدتي
والد هنا عارف ياحبيبي الف سلامه علي والدتك هي عامله ايه دلوقتي
عمر الحمدلله بخير
والد هنا الحمدلله بقولك ايه انا كنت عايز اجي ازوركم في البيت ده لو مش هيضيقك
عمر حضرتك تشرف في اي وقت
والد هنا تمام يبقى ان شاءالله النهارده اخر اليوم
عمر تمام وانا هبعت عربيه تجيب حضرتك لحد البيت
والد هنا ملوش لازمه انا هتصرف
عمر لاء طبعا ماينفعش انا هبعت العربيه دلوقتي وهكون في انتظارك انا وهنا
والد هنا شكرا يا حبيبي ماتحرمش منك مع السلامه
عمر مع السلامه
تحدثت هنا اليه بسعاده بعد إغلاقه الهاتف
هنا هو بابا هيجي
نظر لها عمر بغيظ
عمر طبعا عشان يبقى الكل عمل معانا الواجب
نظرت اليه هنا وهي تكتم ضحكتها
دخلت دينا مكتب مازن بعد خروجها السريع من مكتبها وقت دخول عمر
نظرت بستغراب ل ماذن وهي تراه يعمل علي احدى التصاميم بتركيز شديد ولا يشعر بوجودها
دخلت دينا بهدوء واقتربت منه لترى تصميمه الخاص وتفاجأت كثيرا بعدما رأته كان التصميم أكتر من رائع لم تتوقعه من مازن ابدا
دينا وااوو معقول ده تصميمك
نظر لها مازن بطرف عينه بتكبر
مازن يابنتي انتي متعرفيش انهم اترجوني اكون دكتور في الجامعه عشان اعلم التلاميذ الا زيك وانا مرضتش
نظرت له بغيظ
دينا التلاميذ الا زيي تصدق ان انا غلطانه اني جيتلك
حاولت دينا الخروج من مكتبه لكنه قام بمسك يدها وقربها اليه
مازن تعالي هنا رايحه فين دا انا ماصدقت تجيلي برجلك
نظرت له بتوتر
دينا انت هتعمل ايه
قربها اليه اكتر
مازن هعلمك
دينا مازن اعقل والله هصرخ والم عليك الشركة كلها
مازن انتي تفكيرك راح فين انا قصدي هعلمك ازاي تبدائى في التصميم
قامت دينا بدفعه بعيدا عنها وتحدثت اليه پغضب
دينا علي فكره انت رخم
ضحك مازن علي توترها الواضح
مازن لااا دا انتي شكلك كنتي عايزاني اعلمك حاجه تانيه
دينا تعرف يا مازن انا فعلا غلطانه اني جيت اتكلم معاك
مازن ههههه خلاص والله بهزر معاكي
دينا علي فكره دمك مش خفيف
نظر لها بأبتسامه وهو يغمز لها
مازن بس انتي دمك خفيف
في منزل والد هنا بعد ان غلق الهاتف بعد انتهاء حديثه مع عمر نظرت اليه سمر وهي تسأله
سمر ايه عملت ايه
والد هنا خلاص ياستي هنروح نزورهم النهارده زي ما انتي عاوزه
فرحت سمر كثيرا ولكنها حاولت التحدث علي انها تفعل هذا من اجله هو
سمر انا قولتلك لازم نروح عشان خاطرك ياحبيبي ده واجب وانت لازم تعمل كدا عشان خاطر بنتك
نظر لها والد هنا بحب
والد هنا عارف ياحبيبتي يلا قومي اجهزي عشان عمر هيبعتلنا عربيه توصلنا لحد شقتهم
سمر حالا وهكون جاهزه
ذهبت سمر الي غرفتهم وهي تغلق خلفها الباب وقامت بالاتصال سريعا بسرين
سمر الو
سرين ايه الاخبار
سمر اقنعته ان انا لازم نزورهم في بيتهم وبجهز وهنروح دلوقتي
سرين مش سهله انتي ياسمر
سمر اصل بعمل ده بكل حب
سرين عارفه هتعملي ايه
سمر اه عارفه ماتقلقيش
سرين تمام خودي بالك كويس عشان محدش يشك فيكي
سمر ماتقلقيش دا أنا سمر هههههههه
ذهب عمر وهنا الي شقتهم ليكونوا في أستقبال والدها
قام عمر بمسك يدها وقربها اليه
عمر ادخلي جهزي شنطتك
نظرت له بعدم فهم
هنا ليه
عمر بعد ما باباكي يمشي هنسافر علي طول
نظرت له هنا بستغراب
هنا هنسافر فين وليه
عمر هنسافر فين مستحيل هقول لحد احنا هنسافر فين وانتي هتعرفي واحنا في الطياره
ثم اكمل باقي حديثه وهو يغمز لها
عمر وهنسافر ليه شهر العسل
فتح عمر باب الشقه وهو يستقبل والد زوجته بكل ذوق واحترام
دخلت سمر وقد أكلت الڼار قلبها وهي تنظر پحقد وغيره حولها لجمال وروعة شقة هنا
خرجت هنا لأستقبالهم وهي تحتضن والدها كثيرا سلمت علي سمر بجمود
وبعد جلوسهم وبعد تبادل الكثير من الاحاديث قامت سمر بإيقاع كأس العصير علي ملابسها وهي تدعي بأنها كانت لا تقصد وماذا تفعل في هذا الموقف لقد ابتلت ملابسها بالكامل
عرضت عليها هنا بأن ترافقها الي الغرفه لتبديل ملابسها بملابس مناسبه لها من عند هنا
دخلت هنا معاها لتعرض عليها ملابسها لتختار ما يناسبها
لاحظت سمر وجود شنطه فوق السرير
سمر ايه دا انتوا مسافرين ولا ايه
هنا اه هنسافر النهارده بليل
حاولت سمر اخفاء حقدها وهي تتحدث معها بأبتسامه ماكره
سمر وهتسافروا فين
هنا والله معرفش عمر عاملهالي مفجأه
سمر مفجأه طول عمرك محظوظه يا هنا
نظرت لها هنا بأبتسامه مجامله
هنا انا هخرج انا عشان تغيري برحتك
بعد خروج هنا من الغرفه وقفت سمر وهي تنظر لجمال الغرفه ولتصميمها وأثاثها الرائع وهي تتحدث پحقد
سمر مش هسيبك تتهني بالعز ده كله ياهنا
وقامت بفتح شنطتها الجاهزه علي السرير والبحث بداخلها عن جيب سري بعد ان وجدته قامت وضع به شئ ما وقامت بأدخال الملابس بداخلها مره اخرى كما كانت
وقامت بتغير ملابسها وخرجت اليهم مره أخرى ووجهت كلامها لزوجها
سمر مش نمشي بقا انا
