رواية لست جميلة كاملة

كله ...ما تكبري شوية يا ميرفت لاني زهقت ...زهقت من تصرفاتك الطفولية دي وتعبت ادادي فيكي ...انطقي فيه ايه ...
جسمي اترعش ...بس مبطلتش عياط اديتله التليفون وانا ببكي وقولت
اتفضل شوف ...شوف بعينيك اللي باعتاه الست والدتك ...هي قالتلي وانا مصدقتش ...
مسك محمود التليفون وبص فيه وهو مصډوم لقي فيديو ليه وهو بيعترف برهف بحبه ...
حط أيديه علي وشه بتعب ...بصتله وانا ببكي وقولت 
تقدر تفهمني ايه الفيديو ده ...تقدر تنكر انك كنت بتحب رهف وانت بتقول انك بتحبني ....يا تري انا كنت البديل ليها ....
قعد محمود وقال بهدوء
لما قولتيلك هل امي بتضايقك رديتي وقولتي لا ....ليه مقولتيش الحقيقة ...ليه انكرتي ...
وايه علاقة ده بسؤالي!!!
ردي يا ميرفت ...ليه كدبتي ...
بلعت ريقي وانا بمسح دموعي وقولت
عشان معملش مشاكل ما بينكم ...مش عايزة حد يشاور ويقول اني جيت افرق ما بينكم أنا مش كده ...
اتنهد محمود وقال
وعشان كده قررتي انك تسكتي عن حقك صح !
بصيت للأرض فكمل هو
ماما عملت ايه بالضبط ...وقوليلي الحقيقة لو سمحتي ...الحقيقة كلها ....
عينيا بدأت تدمع ...محستش بنفسي الا وانا بقوله كل حاجة وبعيط ...كنت حاسة أن قلبي محروق اوووي من اللي سمعته ...أنا مكنتش استحق اتعامل بالشكل ده ....
حط محمود أيده علي وشه وقال بهدوء
كنتي مستنية ايه عشان تتكلمي يا ميرفت ...امي كنت أنا هتصرف معاها من غير ما اقلل من احترامها ...وانتي مراتي يعني كرامتك من كرامتي ...أما بالنسبة للفيديو اللي جالك لما نروح لامي هوريكي الفيديو كامل ولو تلاحظي أني قولت بحب يا شيماء والفيديو ده كان لرهف وهي كانت بتدرب علي مسرحية هتمثلها ايام ما كانت في الجامعة وانا ساعدتها مش اكتر ...
حطيت راسي في الأرض وانا بعيط ...قام هو وقال ببرود
امي غلطانة صحيح بس انتي كمان غلطانة زيها ....انتي فاقدة الثقة في نفسك بشكل مستفز رغم اني بحبك ومقدرش اعيش من غيرك لكن مش مصدقة الكلام ده ...افهمي يا غبية الجمال ليه معايير ومعاييري المثالية هي شكلك ...أنا عمري حسستك بغير كده ...
حطيت عينيا في الأرض وانا ببكي فقال 
انتي مش واثقة في حبي للأسف ...وانا مش مجبر كل شوية اني اقولك اني بحبك ...لاني تعبت ...عايزة تطلقي ...حاضر هطلقك !
قلبي وقع لما قالي كده ...جه يمشي من قدامي مسكت ايديه وانا بعيط وقولت
متسبنيش ...أنا بحبك والله ...
اتنهد محمود وقال
انا تعبت ....
رجعت لورا وقولت
وانا تعبت اكتر منك يا محمود ...تعبت من كتر ما الناس بتقلل مني ...من كتر ما شايفينك كتير عليا وحرام واحد زيك يتجوزني ...تعبت من كتر ما بسمع اني وحشة. ..أنا مش وحشة للدرجة بس هما اقنعوني بكده ...تعبت والله احيانا بتمني اموت عشان ارتاح واريح ...
أنا ...
مقدرتش اتكلم اكتر من كده واڼهارت علي الأرض وانا بعيط جامد وقلبي بيتكسر ....كنت بعيط بطريقة صعبة ....
اتنهد وجه حضڼي وقال
تعرفي ايه المشكلة يا مبرفت...المشكلة اني مبعرفش اخد موقف وده حاجة وحشة اووي انتي بتقدري تمتصي ڠضبي ...
بعدني عنه وقال وهو بيبص لعينيا 
انتي جميلة في عيوني ...انتي اجمل حاجة شوفتها وانا بحبك زي ما انتي ...بحبك بقلة ثقتك وكلامك الدبش وعصبيتك ...بحب كل حاجة فيكي ...فابوس ايديكي ثقي في حبي علي الاقل ...
هزيت دماغي وقولت
حاضر ...
حضڼي هو ودي كانت احلي ليلة في حياتي ...

بعد اسبوع ....
راح محمود لوالدته واخدني معاه ....
كنا قاعدين أنا وهو ووالدته ...كنت متوترة من اللي هيقوله ...طلع هو تليفوني وقال
حضرتك اللي بعتي الفيديو ده يا ماما ...
ارتبكت حماتي فقال
معلش يا ميرفت حابب اتكلم مع ماما ممكن ...
ابتسمت ليه وقومت طلعت البلكونة وانا بشم الهوا وحاسة بسلام غريب ...لأول مرة تتولد الثقة جوايا ...
ليه كده يا امي ...ليه عملتي كده !
قالها محمود بعتاب ...بلعت والدته ريقها وقالت
مكانتش مناسبة ليك ...هي ....
انا شايفها مناسبة يا امي ..انا بحبها ...
سكتت والدته فكمل 
انتي للأسف مأذيتهاش هي بس ..اذتيني أنا كمان ...لان كرامة مراتي من كرامتي ...امي انتي اغلي ست في حياتي بس هي مراتي اللي انا اختارتها واللي انا بحبها ومن غيرها هبقي تعيس...مش مهم يشوفوها الناس جميلة كفاية انها جميلة
حسب معاييري ..بس للأسف انتي اهتميتي براي الناس اكتر من قلب ابنك ...أنا لو خسړت مراتي قلبي هيتكسر...أنا مش بقولك حبيها بس احترميها عشاني علي الأقل ياريت ...
......
خرجنا انا ومحمود من البيت كنت ماسكة ايديه وانا فرحانة ...ماسكة ايديه وانا حاسة اني اجمل ست في العالم ...أول مرة احس الاحساس ده وعرفت ان الحب بيخلينا نحس ونشوف الجمال ...
انا بحبك 
قولتها وانا مبتسمة فرد محمود
وانا كمان بالرغم من نكدك
ضحكنا أنا وهو ...مش مهم ايه شايلنا المستقبل المهم آني معايا قلب احسن رجل في العالم انت